دارميات حلوووووووووووة يا ناس

من طرف ابو خالد الأحد نوفمبر 25, 2007 12:48 am

خوي استر على الحال خوي استر استر
السكف البنيته وياك بس غيمت خر
-----------
برنو عيون هواي والمشط بيه
والعده سبع ارواح ما يصدليهه
--------
جيت استل المحتل وين النفط صار
جاوبني هالعصفور مثل هوه طار
-------
ارد انشد العقال واهل العداله
لو نشف ملح الزاد شنحط بداله ؟
---------
لو نشف ملح الزاد حط ماي العيون
فانهم ترى يا فلان ماسخ يكولون
---------
وين اليفك مظلوم وين الله وينه
يتركوك على جلاي هذا الحصينه
--------
ما تنسمع رحّاي بس بجي مسموع
جاتلني والله هواي ما منه مرجوع
-------
موش اطحن شعيرات اطحن بهمك
اكعد ودور الروح بلكاهه يمك
-------
اطحن واكضي الليل عن الما ريده
بالكذله اصبح شيب من مده ايده