تريدون اتعرفون الفرق بين الشاب العراقي و الشاب الامريكي

من الصبح تدك الساعه الديجيتال الموجوده في غرفة الشاب الامريكي ليستيقض مبكراً ويتوجه الى الحمام ليغسل وجههه ثم يفرّچ سنونه ويتوجه الى المطبخ ويضع قطعتي التوست المحمص فى ال(هاي المكينه اللي تحمي خبز ما ادري شسمهه ؟؟؟) المهم يذهب الى الحديقه الاماميه لينتظر الباص الاصفر مال مدرسه
اما الشاب العراقي يستيقظ على صوت الوالده الحنين(اكعد ولك الساعه 6:00) يذهب الى الحمام يجد الماء مجرش يتوجه الى السياره ان وجدت (عبالكم يصعد بيهه ويروح للمدرسه ........لا) يسحب بانزين حتى يشغل المولد يشبع بانزين تنسد نفسه وميتريّگ اذا رح يوفر عناء الريوگ عالاهل (ميشتهي ريّوگ غير؟) لعد شكو يجيب صمون وگيمر عرب ؟؟؟؟ ج/ حتى احسن
الطالب الامريكي ) يذهب الى المدرسه ليتوجه الى صف الطبيعيات (عبالك روضه ) يتناقش ويه المدرس ويخلص يروح لدرس التغذيه (المعلمه مالتهم خنفشاريه تخبللل) غير خلص الدوام يرجع بالباص للبيت يرتاح وبعدين يشغل الكاديلاك مالته ويطلع يفتر ..
(الطالب العراقي) يذهب الى المدرسه حاملاً التچّه اللي لاف بيهه الكتب يدخل الى اول درس الاستاذ خلصان عنده بس اربع سنون (اللي ممحظر يطلعلي هنا) ودائماً تصدف انه الطالب العراقي ممحظر (ينعلس) ثم تأتي الفرصه (يتعارك مع احد زملائه) يأتي الدرس الثاني مدرس الفيزياء الحلقه الاخيره (كوم بابا مو كتلك جيب ولي امرك ..متحظر عندي اليوم ) ( ما احظر وشنو يعني درس رياضه صاير الفيزيه ) خلص الدوام( هوه مخلص بعده الدرس الرابع بس الطالب العراقي طفر من الحايط ) مابيهه شي يرجع للبيت يلكه
امه حارگه التمن وتنطيه خمسميه يروح يجيب معجون توسان فل وبالصدفه يلكه الوالده مشغله الثلاجه عالمولد وگايم المحرك مال مولد (بهدووم المدرسه يكعد يفصخ ) وراهه يضرب هندر ، گول اشتغلت المولدة (اجه بابا) كالعاده يبوك السويج ويطلع يفتر بالصدفه البحته ونادراً ما تحدث نلكه سيطره بالشارع وگفوه ( السياره بسمك ) (اي أو لا المهم ياخذ الفين) يفتر بالسياره ، يدور بنات يتحارش منا منا ذبلهه الرقم كالتله خابرني دگ رقمهه بسرعه (ان رصيد حسابك لا يكفي.....) (خرب هاي شلون بخت ) يتوجه الى اقرب چنبر ووووووووو.
الطالب الامريكي) الساعه 8:00 يبوس بابا ويبوس ماما ويروح ينام وكذلك ثاني يوم.
(لطالب العراقي )يرجع بالليل يلگه البابا گالب الدنيه عالسياره يتعارك وياه والماما ممسويه عشه هم يتعارك وياهه ويروح يفتح نت ويكعد على منتديات راديو دجلة وكل يوم على هالرنة
ها عرفتوا شنو الفرق؟؟؟؟؟ لو بعد