الجل

السلام عليكم


اكثر مادة مهمة بالنسبة للجنس المولطيف واللي يمثل عصب الحياة عدهم
وهويعادل اهمية البترول للدول الصناعية وشويةاقل اهمية من الكهرباء و
الغاز…هو المستحضر السحري والسائل العجيب ذو الفوأئد الخمسة عشر
"الجل"
فهو يرافق الولد من الروضة الى ان يصير اصلع وطبعا هذا الجل هو رفيق
درب الشباب وشايل همومهم فالولد النظيف يكعد الصبح يسبح وبعدين يحط
شوية جل حتى يسوي سبايكي اوشكم شعراية واكفة…
والشاب الوسخ وشعره مدهن يجيب ويلطخ جل فوق الوسخ حتى يصير
صماخه ابو لمعة ويا مكثرهم….
والجل الهشروطه المهمه ومن اهمها انه اذا وصلت علبة الجل للنص لازم
لازم يشترون علبة لخ والاتصير مصيبه كبيره..
واذاواحد من اخوانه الاعزاء ماالتزم بهذا الشرط الجوهري فهو راح يتحمل
العواقب وذنبك على جنبك لان مستحيل يطلع لراس الشارع حتى يشتري بدون
ميحط السائل المخاطي العجيب على راسه فراح يلجأ للحل الخاص بحالات الطوارئ
ويركض للمطبخ ويدور على تنكة الدهن وياخذ شوية ويدهن راسه
وهو دهن الحصة ابن عم الجل يعني ماكوفرق بين الكرايب بس الدهن يحتاج له
رشه عطر وانت وحظك لويسيح لو يطلع دهن مستورد..
هذا كله في سبيل ليفقد لقب " شاب مجلجل "
وعلى كولة الشاعر..
كل شي في سبيل الجل يهون
حتى لو كان دهن وميومعجون
امشي بالشارع واتدلل
لانك شاب مجلجل

مشكور أخوي على المضوع