اليكم هذه الابوذيات حلوة

حبيبي ما تجس نبظي شمالي
وبعد يمناي ما توصل شمالي
انـه الجـنـت العـذيـبي شمالي
صرت شرجي وعلى الناس اذيه
--------
تمرضت وصعدت مرضي على شفاي
طـب لـنـدن فـلا كـدر عـلى شـفـاي
حـبـيـبي من تـحـط شفتك على شفاي
اطيب وكل مرض ما يضل بيه
-----
طريج الحب وعر شايك وحل بيه
انكطع خيط الوصل يسمر وحل بيه
ُأُخـذ كـلـبي الـك مـلـجأ وحل بيه
تـهـنـا ونـام بـس إعـطـف عليه
------
عـقـلي يا تـرف حـبـك وجن بك
من الجوري يا محبوبي وجن بك
إجيت أنته على وعدك وجن بك
لـيـالي الـفـرح وايـامـي الهنيه
------
آنه جارك حبيبي وانت جاري
آنه الواكف بدربك وانته جاري
جمد مي السواجي وانته جاري
تـريـث لا تـشـمـت اعداي بيه
------
اذا مديون اوفي الدين ودي
بس خلوني اشوفن يوم ودي
احلفج يا نجوم الليل .. ودي
لحبيب الروح من عندي تحيه
------
مثل غيم الشتا همي تراكم
شهور سنين غيبتكم تراكم
متى عيني يا لحبابي تراكم
وحيد ولا عزيز يسأل عليه
-----
كلبي ما فرح بعدك ولا سار
عقلي ما خطا لغيرك ولا سار
اخبرك ما بقت كلمه ولا سار
فضحني الدمع غصبن عليه
------
كمت من نومي بالليل انه جفلان
عـلى صـوت يـنـادي اجه فلان
كلت معقوله الكلب اللي جف لان
وذكـر ايـام ودنــه الاولـيــه
------
حبك زيد جروحي والالام
كلبي ما مرة عاتبني ولا لام
منك كلشي ممجمع ولا لام
غير هموم واحزان واذيه
------
ها ناح الكلب ها صرخ هاون
ها وينك حبيب الروح ها وين
حبيبي انه وضرب ع الكلب هاون
فجرني وكعد يبجي عليه